Rakaat e Taraveh par Ghair Muqallideen ki Dalail ka Jayeza Part 5 (Sunan e Saeed Bin Mansoor ki Riwayat ka Jawaab).

Hazrat Saaib bin Yazeed Rdh. Se riwayat hai ke Hum Hazrat Umar Bin Khattab Rdh. Ke Zamaane me 11 Rakaat Padhte the. (Sunan e Saeed Bin Mansoor Bahawala Al Masaabih : Safa 36)

Al – Jawaab : Is Riwayat Me Sirf Hazrat Umar Rdh. Ke Zamaane Me 11 Rakaat Ke Padhe Jaane Ka Zikr Hai.Isme Na Hazrat Umar Rdh. Ke Hukum Ki Tasreeh Hai Aur Na Unka Apna Amal Mazkoor Hai Aur Jab Tak Khalifa E Rasheed Ka Hokum Ya Unka Amal Zikr Na Ho Us Waqt Tak Ghair Muqallideen Us Riwayat Ko Hujjat Maanne Liye Taiyaar Nahi Hai.

 

Chunaanche ,

1 – Maulana Abdullah Sahaab Ghazipuri Likhte Hazrat Yazeed bin Romaan Rh. ki Riwayat (Jisme Hazrat Umar Rdh. Ke Zamaane me 20 Rakaat padhe jaane ka zikr hai) ka jawaab dete huwe likhte hai : isme us amr ki tasreeh nahi ke jo log 20 rakaat padhte the wo ba-hukum e Umar rdh. Padhte the. (Rakaat e Taraveh : Safa 31)
Continue reading

Rakaat e Taraveh par Ghair Muqallideen ki Dalail ka Jayeza Part 4 (Muwatta ki Riwayat ka Jawaab).

Rakaat e Taraveh par Ghair Muqallideen ki Dalail ka Jayeza Part 4 (Muwatta ki Riwayat ka Jawaab).

Zubair Ali Zai Muwatta Imam Malik ke Hawaale se Likhte hai ke

Sayyidina Ameer ul Momineen Umar Bin Khattab Rdh. Ne Sayyidina Ubai Bin Ka’ab aur Sayyidina Tameem ad-Daari Rdh. Ko Hukum Diya ke Logo ko (Ramzaan me Raat ke Waqt) 11 Rakaat Padhaaye. (Tadaad e Qiyaam Ramzaan : Safa 22)

Al – Jawaab no 1 :

Is Riwayat se Istedlaal Ghair Muqallideen ka Durust nahi hai ke Kyunke yeh ek Sahabi Rdh. Ka qaul hai aur ghair Muqallideen ke Nazdeek Sirf Allah tala aur Uske Rasool ka Qaul hi Hujjat hai.

Baaqi Kisi Sahabi ya Taba-in wagaira ka Qaul unki Nazdeek Hujjat nahi hai.
Continue reading

Rakaat e Taraveh par Ghair Muqallideen ki Dalail ka Jayeza Part 2 & 3 (Hazrat Jabir Rdh. Ki Riwayaat ka Jawaab).

Rakaat e Taraveh par Ghair Muqallideen ki Dalail ka Jayeza Part 2.

Ghair Muqallid Aalim Zubair ali zai Sahaab ne Hazrat Jabir Bin Abdullah Rdh. Ki riwayat pesh ki hai Jisme hai ke

Hume Rasoolullah SAW ne Ramzaan me Namaz padhaayi , Aap SAW ne 8 Rakaat Padhaayi aur Witr padhe……(Ta’adaad e Qiyaam e Ramzan : Safa 18)

Al-Jawaab: Yeh Hadees Nihaayat Zaeef Sanad Se Marwi Hai Is Riwayat Ko Hazrat Jabir Rdh. Se Naql Karne Me Isaa Bin Jaariya Munfarid Hai Aur Isaa bin jaariya Riwayat E Hadees Me Nihaayat Zaeef Aur Majroo Raavi Hai.

Phir Isaa Bin Jaariya Se Bhi Is Riwayat Ko Sirf Ek Raavi Yaqub Al Qammi Ne Naql Kiya Hai Aur Yaqub Al Qammi Bhi Zaeef Raavi Hai.

aur Yaqub Al Qammi se Unke Ek Shagird Muhammed Bin Hameed Ur Raazi ne Yeh Riwayat  naql kiya hai aur wo Bhi Bila Ittefaaq Zaeef Aur Kazzaab Hai.
Continue reading

Rakaat e Taraveh par Ghair Muqallideen ki Dalail ka Jayeza Part 1 (Hazrat Ayesha Rdh. ki Riwayat ka Jawaab)

Ghair Muqallideen Hazraat Jab Taraveh Masla par Baat Karte hai Toh Kehte hai ke Huzur SAW se 8 Rakaat hi Manqool hai aur  Apni Baat ko Saabit karne ke liye Jo Daleel Pesh karte hai , Wo Darj e Zail hai :

Hazrat Abu Salma Bin Abdur Rahmaan Se Riwayaat Hai Ke Inhone Hazraat Ayesha Radhi Allahu Anha Se Pucha Ke Rasool akram Sallallahu Alaihi Wasallam Ki Namaz Ramzaan Ul Mubarak Me Kaise Hoti Thi ? Aap Ne Farmaaya Rasoolullah Saw Ramzaan Aur Ghair Ramzaan 11 Rakaat Se Zyada Nahi Padhte The Aap 4 Rakaat Padhte Na Pucho Ke Wo Kaisi Haseen Aur Kitni Daraaz Hoti Thi ,

Phir Aap 4 Rakaat Padhte Na Pucho Ke Wo Kaisi Haseen Aur Kitni Daraaz Hoti Thi Phir Aap 3 Rakaat Aada Farmaate , Hazrat Ayesha Radhi Allahu Anhaa Farmaati Hai Mai Ne Arz Kiya Aye Allah Ke Rasool Saw Kya Aap Witr Padhne Se Pehle Sojaate Hai ? Aap Ne Farmaaya Aye Ayesha Meri Aankho Soti Hai Meraa Dil Nahi Sota. (Bukhari)

Ek Shuba : Zubair Ali Zai Ne Likha HaiKeTaraveh 20 Nahi Balke 8 Rakaat Sunnat Hai Aur Is Hadees Ko Pesh Kiya Hai.(Tadaad E Qiyaam E Ramzaan Ka Tehqiqi Jayeza)

Al Jawaab : Is Hadees Se Rakaat E Taraveh Par Istedlaal Jayez Nahi Hai Kyunke Hazrat Ayesha Rdh. Rdh. Is Hadees Me Jis Namaz Ka Tazkirah Hai Wo Namaz E Tahajjud Hai , Uska Namaz E Taraveh Se  Koi Talluq Hi Nahi.
Continue reading

20 Rakaat Taraveh par 1400 Saal se Ummat ka Amal hai.

20 Rakaat Taraveh par 1400 Saal se Ummat ka Amal hai

Pehli Saadi ki Taarekh (Yaani Pehle 100 Saal me 20 Rakaat par Amal) :

1 –

أخبرنَا أَبُو عبد الله مَحْمُود بن أَحْمد بن عبد الرَّحْمَن الثَّقَفِيُّ بِأَصْبَهَانَ أَنَّ سَعِيدَ بْنَ أَبِي الرَّجَاءِ الصَّيْرَفِي أخْبرهُم قِرَاءَة عَلَيْهِ أَنا عبد الْوَاحِد بن أَحْمد الْبَقَّال أَنا عبيد الله بْنُ يَعْقُوبَ بْنِ إِسْحَاقَ أَنا جَدِّي إِسْحَاقُ بْنُ إِبْرَاهِيمَ بْنِ مُحَمَّدِ بْنِ جَمِيلٍ أَنا أَحْمَدُ بْنُ مَنِيعٍ أَنا الْحَسَنُ بْنُ مُوسَى نَا أَبُو جَعْفَرٍ الرَّازِيُّ عَنِ الرَّبِيعِ بْنِ أَنَسٍ عَنْ أَبِي الْعَالِيَةِ عَنْ أُبَيِّ بْنِ كَعْبٍ أَنَّ عُمَرَ أَمَرَ أُبَيًّا أَنْ يُصَلِّيَ بِالنَّاسِ فِي رَمَضَانَ فَقَالَ إِنَّ النَّاسَ يَصُومُونَ النَّهَار وَلَا يحسنون أَن (يقرؤا) فَلَوْ قَرَأْتَ الْقُرْآنَ عَلَيْهِمْ بِاللَّيْلِ فَقَالَ يَا أَمِيرَ الْمُؤْمِنِينَ هَذَا (شَيْءٌ) لَمْ يَكُنْ فَقَالَ قَدْ عَلِمْتُ وَلَكِنَّهُ أَحْسَنُ فَصَلَّى بِهِمْ عِشْرِينَ رَكْعَة

Hazrat Ubai Bin Ka’ab Rdh. Se Marwi ke Umar Rdh. Ne Unko Hukum Diya ke Wo Logo ko Ramzaan me Namaz Padhaaye aur Kaha ke Logo Din ko Roza Rakhte hai aur Achi Qirat Umda Nahi karte hai aur Agar Aap Unpar Qirat Karde Raat me Toh Hazrat Ubai Bin Ka’ab Rdh. Ne Farmaaya ke Aye Ameer ul Momineen ! Yeh Cheez Nahi Huwi , Toh Inhone Farmaaya ke Mai Jaanta hu , Lekin Yeh Zyaada Behtar hai.

Toh Hazrat Ubai Bin Ka’ab Rdh. Ne Logo ko 20 Rakaat (Taraveh) Padhaayi. (Al Hadees ul Mukhtaara : Jild 3 : Safa 367 , Hadees no 1161)
Continue reading

20 Rakaat Taraveh ki Riwayat par Aiteraazaat ka Ilmi Jayeza (Hadees e Ibn Abbas Rdh.)

Hazrat Ibn Abbas Rdh. Se Riwayat hai ke Anhazrat SAW Maah e Ramzan me 20 rakaat (Taraveh) aur Witr Padhte the.

(Sunan e Kubra Lil Behaiqi : Jild  2 : Safa 698 : Hadees no 4615 , Musannaf Ibn Abi Shaiba : Jild 3 : Safa 395 , Hadees no 7766 , Al Muntakhab Min Abd Bin Humaid : Jild 1 : Safa 492-493 , Hadees no 652 , Al Mujjam ul Ausat : Jild 1 : Safa 243 , Hadees no 798 , 5440, Al  Mujjam ul Kabeer Lit Tabraani : Jild 11 : Safa 393, Hadees no 12102)

Scan Page : Sunan e Kubra Lil Behaiqi

skb02_Page698

Scan Page : Musannaf Ibn Abi Shaiba
Continue reading

Jab Zaeef Hadees par Ummat ka Amal ho Toh wo Hadees Saheeh Hojaati hai.

Muhaddiseen aur Fuqaaha e Izaam ka Mashoor Qaida hai ke Agar Hadees ki Sanad me Koi Raavi Zaeef ho , Lekin Hadees ka Mazmoon Aisa ho ke Khulafa e Rasheedin , Jamaat e Sahaba Rdh. ,Tabain e Izaam , Taba-Tabain , aur Mazhab e Arba(Hanafi , Maliki , Shafa’i , Hanbali) Yaani Puri Ummat e Muslimah ka Ispar Amal Lagataar ho.

(Jisko Fuqaaha e Ikraam ki Istelaa me Ta’amul , Tawaatur Amali , Ijma e Amali aur Tawaarus Kaha Jaata hai aur Muhaddiseen Hazraat Use Talaqqi Fil Qubool ke Saat Ta’abeer Karte hai) Toh Wo Hadees Mutawaatir Shumaar Hoti hai aur Wo Apne Saboot me Sanad ki aur Raaviyo ki Jaanch pardtaal ki Mohtaaj Nahi hoti.

Imam Sakhawi Rh. ka Hawaala :

Chunaanche

1 – Imam Sakhawi Rh. Farmaate hai ke

Jab Zaeef Hadees ke Qubool Karne par Ummat Amalan Muttafiq ho Toh Ispar Saheeh Hadees ki Tarah Amal kiya Jaasakta hai Hatta ke Wo Tawaatur Shumaar hoti hai aur uske

Saat Nas e Qati (Hadees) bhi Mansookh Hosakti hai.

(Fathul Mughees : Jild 2 : Safa 153)

Continue reading

Hum Rafe-yadain Kyun Nahi Karte (Prat 24) Asar e ibn Masood Rdh. par Aiteraazaat ka Jawaabaat

Asar E Abdullah Bin Masood Rdh.

Hazrat Abdullah Bin Masood Rdh. Jab Namaz Shuru Karte toh rafe-yadain karte the phir dobaara rafe-yadain nahi karte the.

(Musannaf Ibn Abi Shaiba : Hadees no 2455)

Scan Page :

3

Aiteraaz No 1 :

Ali Zai Sahaab Likhte Hai Ke “ Sayyindina Ibn Masood Rdh. 32 Ya 33 Hijri Ko Faut Huwe Hai Aur Ibrahim Bin Yazeed Nakh’ii 37 Hijri Ke Baad Paida Huwe The.

Lehaaza Yeh Sanad Munqate Hai “. (Nurul Aainain : 166 – New Edition 2012)

Al-Jawaab : Is Masle Muhaddiseen Ke Aqwaal Mulaheza Farmaaye.

1 – Imam Tirmizi Rh. Farmaate Hai Ke

حَدثنَا أَبُو عُبَيْدَة بن أبي السّفر الْكُوفِي حَدثنَا سعيد بن عَامر عَن شُعْبَة عَن سُلَيْمَان الْأَعْمَش قَالَ قلت لإبراهم النَّخعِيّ أسْند لي عَن عبد الله بن مَسْعُود فَقَالَ إِبْرَاهِيم إِذا حدثتك عَن رجل عَن عبد الله فَهُوَ الَّذِي سميت وَإِذا قلت قَالَ عبد الله فَهُوَ عَن غير وَاحِد عَن عبد الله 

Sulaimaan Al Amsh Ne Ibrahim Nakh’ii Rh. Se Hazrat Abdullah Bin Masood Rdh. Tak Sanad Ka Pucha Toh Ibrahim Nakh’ii Rh. Ne Farmaaya ! Jab Mai Kisi Shaks Ka Darmiyaan Me Zikr Karu Toh Wo Hadees Maine Sirf Usi Se Suni Hoti Hai Aur Jab Mai Hazrat Abdullah Bin Masood Rdh. Ka Naam Lu Toh Wo Kai Akhshaas Se Suni Hoti Hai.(Elal E Tirmizi Sagheer : Jild 1 : Safa 754)

2 – Imam Ibn Abdul Barr Rh. Farmaate Hai Ke Sulaimaan Al Amsh Ne Ibrahim Nakh’ii Rh. Se Pucha Ke Jab Hadees Bayaan Kare Toh Uski Sanad Bhi Bata Diya Kare Toh Ibrahim Nakh’ii Rh. Ne Kaha Ke Jab Mai ‘ An ‘ Abdullah Bin Masood Rdh. Se Bayaan Karu Toh Mai Yeh Kai Akhshaas Se Suni Hoti Hai Aur Jab Maine Kisi Ek Se Suni Hoti Hai Toh Phir Maine Sirf Usi Raavi Se Hi Suni Hoti Hai. (Tamheed : Jild 1 : Safa 34)

Scan Page :

ta_bar01_Page38

3 – Imam Tahawi Rh. Farmaate Hai Ke Agar Koi Kahe Ke Jo Kuch Tum Ne Ba-Waasta Ibrahim Hazrat Abdullah Bin Masood Rdh. Se Riwayat Kiya Hai Wo Ghair Muttasil Hai Toh Unse Kaha Jayega Ke Hazrat Ibrahim Rh. Sirf Ibn Masood Rdh. Se Us Waqt Irsaal Karte Hai Jab Wo Riwayat Unke Nazdeek Saheeh Hoti Hai Aur Hazrat Abdullah Rdh. Se Tawaatir Ke Saat Marwi Hoti Hai.

Hazrat Amsh Ne Unse Kaha Mujhse Hadees Bayaan Karte Waqt Sanad Zikr Kiya Kare Inhone ( Ibrahim Nakh’ii Rh.) Ne Farmaaya Jab Mai Tumse Kahu Ke Hazrat Abdullah Bin Masood Rdh. Ne Farmaaya Toh Mai Yeh Baat Us Waqt Kehta Hu Jab Hazrat Abdullah Bin Masood Rdh. Se Ek Jamaat Bayaan Karti Hai Aur Jab Yeh Kehta Hu Ke Falaah Ne Hazrat Abdullah Bin Masood Rdh. Se Riwayat Karte Huwe Mujhe Se Bayaan Kiya Toh Yeh Usi Shaks Se Hi Hogi Jisne Mujhse Bayaan Kiya. (Sharah Maani Al Asaar : Jild 1 : Safa 464)

Continue reading

Mursal Riwayat Jamhoor Fuqaaha wa Muhaddiseen ke Nazdeek Hujjat hai.

Ahadees e Marfuaa me Mursal Riwayat ka Matlab yeh hai ke Taba’ain Sahaabi ko Chor kar Allah ke Nabi SAW se Riwayat kare.

Ahadees e Mauqufaa me Mursal Riwayat ka Matlab yeh hai ke Taba’ain Apne Shaik ko Chorkar , Sahabi Rdh. Se Riwayat kare Jisse Unki Mulaaqaat Saabit nahi hai.

Ya Yeh Matlab bhi mumkin hai ke Taba-Taba’ain , Taba’ain ka Naam Chor kar Sahabi Rdh. Se Riwayat kare.

Mursal Riwayat Jamhoor ke Nazdeek hujjat hai :

Chunaanche

1 – Imam Ibn Jareer Rh. Farmaate hai ke Hazraat e Tabien Sab ke Sab Is Baat par Muttafiq hai ke Mursal Qaabil e  Qubool hai.

Aur Tabien se Lekar Dusri Sadi ke Aakhir Tak Kisi Shaks ne Uske Hujjat Hone se Inkaar Nahi Kiya.

(Tadreeb ur Raavi : Safa 104)

Scan Page :

1

2 –  Imam Suyuti Rh. Farmaate hai ke Jinka Haasil yeh hai ke Imam Malik Rh. , Imam Abu hanifa Rh. Aur Imam Ahmed Rh. Ki
Riwayat ke Mutaabiq Mursal Riwayat ko  Saheeh Qaraar Diya hai. (Tadreeb ur Raavi : Safa 103)

Continue reading

Shab e Baraat ki Fazilat Ahadees aur As-Salaf ke Irshaadaat ki Roshni me.

15vi Shabaan Jo ke aam Logo me Shab e Baraat ke Naam se Mashoor hai , Uske Fazilat ke Mutalliq Daur e haazir ke Baaz Raushan Khiyaal Hazraat ka Nazariya hai ke Shab e Baraat se Mutalliq Jitni Riwayaat Kutub Ahadees me Milti hai , sabke sab Ya Yoh Mauzu aur Man-ghadak hai ya Shaheed Qism ki Zaeef hai.

Is Ghalat Nazariye ki Binaa par Yeh Log Is raat ki Fazilat ke Sire se Munkir hogaye hai aur is Shab ki Bedaari aur Ibaadat ko Bura Samajhne Lage hai.

Jabke Shab e Baraat ki Fazilat ke Silsile me Sahaba Ikraam Rdh. Ki Ek Jaleel ul Qadr Jamaat se Muqtalif Turq aur Muqtalif Isnaad ke Saat Riwayaat Marwi hai.

Jinme Baaz Riwayaat ko Baaz ke Zariye Taqwiyat Haasil hoti hai , wo Darja e Hasan ko Pahunch jaati hai.Isiliye Umumi Lehaaza se Shab e Baraat ki Fazilat ki Ahadees Bilaa Shuba Saheeh aur Baaz Hasan Darje Tak Pahuchti hai.

Shab e Baraat ke Mutalliq Jo Ahadees Marwi hai , Un Tehqeeq Darj e Zail hai.

Hadees no 1 :  Hazrat Ma’az Bin Jabal Rdh. Nabi E Karim Saw Se Riwayat Karte Hai Ke Aap SAW Ne Farmaaya Allah Tala Sha’abaan Ki 15 Vi Shab Apni Makhlooq Ki Taraf Nazar E Rehmat Farmaakar Tamaam Maqlooq Ki Maghfirat Farmaa Dete Hai Siwaaye Mushrik Aur Kina Rakhne Waale Ki.

(Mujjam Ul Ausat : Jild 7 : Safa 36 , Hadees No 6776)

(Majmua Az Zawaid : Jild 8 : Safa 77-78)

Scan Page : Mujjam ul Ausat

1

Scan Page : Majmua az Zawaid

2

1 – Imam Haismi Rh. Farmaate Hai Ke Is Hadees Ko Tabraani Ne Mujjam Ul Kabeer Aur Al Ausat Me Naql Kiya Hai Aur Dono Ke Rijaal Siqa Hai. (Majmua Az Zawaid : Jild 8 : Safa 78)

Continue reading